Në këtë dhjetëvjeçar të fundit në Ballkanin Perëndimor është vënë re një rritje numrit të nismave dhe protestave qytetare. Ato fokusohen në një sërë çështjesh, që fillojmë me shkatërrimin i hapësirës urbane dhe të mjedisit, skandalet e korrupsionit e deri te vrasjet e pazbardhura. Ndonëse suksesi i tyre ka qenë i ndryshëm, këto nisma e protesta treguan se shumë qytetarë në rajon janë jashtëzakonisht të pakënaqur me mungesën e llogaridhënies së qeverive në pushtet dhe shprehen të gatshëm të angazhohen në mënyrë aktive në shoqëritë e tyre. Nismat qytetare vendore dhe format e reja të angazhimit qytetar nxjerrin në pah nevojën e rritjes së vëmendjes te evidentimi i potencialeve demokratizuese në rajon. Duke qenë se fokusohen në çështje të prekshme e konkrete që ndikojnë në jetën e përditshme të qytetarëve, ato kanë një potencial dhe aftësi të lartë mobilizimi për të kapërcyer ndarjet etnike dhe për të rritur ndjenjën e qytetarëve për veprim. Edhe sikur të kenë ndikim të kufizuar apo të shpërbëhen shpejt, nisma e protesta të tilla krijojnë hovin dhe nxisin debatin publik dhe kujtesën kolektive, nga e cila dalin format dhe mundësi të reja për ndryshime të mundshme në të ardhmen.
